Menter Iaith Blaenau Gwent, Torfaen a Mynwy

Bydd Gorsedd wahanol iawn yn gwneud ei ymddangosiad cyntaf erioed yn yr Eisteddfod Genedlaethol yn y Bala fis Awst. Bydd Gorsedd y Dreigiau (sef grŵp o entrepreneurs amlwg Cymreig) yn dod at ei gilydd i feirniadu cystadleuaeth unigryw i siaradwyr Cymraeg ar ffurf y gyfres deledu boblogaidd Dragons’ Den.

Trefnir y gystadleuaeth gan Menter a Busnes ar y cyd â Llywodraeth y Cynulliad a gyda chymorth Telesgôp.

Gofynnir am gynllun busnes syml i amlinellu’r syniad, a bydd y tri gorau yn cael gwahoddiad i gyflwyno’u syniad i Orsedd y Dreigiau yn y rownd derfynol a gynhelir dros ginio ar ddydd Mercher, 5ed Awst ar faes yr Eisteddfod yn y Bala.

Y beirniaid (neu’r Dreigiau!) fydd Gari Wyn (cyd sylfaenydd a pherchennog cwmni Ceir Cymru), Margaret Thomas (cyd sylfaenydd a pherchennog cwmni Cig Oen Aran, Llanuwchllyn), Alun Roberts (un o gyfarwyddwyr cwmni ymgynghorwyr busnes Maneg) ac Elin Rhys (Rheolwr Gyfarwyddwr cwmni Telesgôp). Cyflwynir y gwobrau gan Ddirprwy Brif Weinidog Cymru Ieuan Wyn Jones AC.

Y dyddiad cau ar gyfer derbyn ceisiadau yw’r 6ed o Orffennaf 2009, i’w hanfon at Menter a Busnes, Uned 3 Y Parc Gwyddoniaeth, Aberystwyth, Ceredigion SY23 3AH neu’n electroneg at eirian.davies@menterabusnes.co.uk

Mae’r gystadleuaeth yn agored i unrhyw un sydd yn siarad Cymraeg a sydd am fyw a gweithio yng Nghymru, ac i unrhyw fath o syniad busnes (dyfais, cynnyrch, gwasanaeth, ayb). Mae hawl cyflwyno mwy nag un ymgais os dymunir. Gellir hefyd cystadlu fel unigolyn, partneriaeth neu grŵp o bobl a bydd yr holl wybodaeth ddarperir yn y ceisiadau yn cael ei gadw’n hollol gyfrinachol.

Am fwy o wybodaeth a templed o'r ffurflen gais/cynllun busnes cliciwch ar y linc isod, neu rhowch alwad ffon i ni ar 01970 636565.

Gorsedd y Dreigiau

Edrychwn ymlaen at dderbyn eich ceisiadau.

Llongyfarchiadau i Dafydd Tomos a phawb yn gysylltiedig â thîm cyntaf Clwb Hoci Caerdydd ac UWIC ar ôl ei dychweliad o bencampwriaeth Ewropeaidd lle mae’r clwb wedi bod yn llwyddiannus mewn tymhorau diweddar.

Ar ôl dechrau araf yn y gystadleuaeth (dim ond 1 pwynt o 6 posib), gorffennodd Caerdydd ac UWIC y twrnamaint yn gryf drwy guro’r gwesteiwyr SK Slavia Praha ar ‘ffliciau cosb’ yn y gêm derfynol i ddiweddi lan yn gyd-enillwyr gyda’i gwrthwynebwyr lleol, Whitchurch.
Mae’r ddau dîm o Gymry yn awr wedi ennill dyrchafiad i gynghrair B am 2010.
League

Bydd yr e-weithdy cyfieithu nesaf yn dechrau ar 22 Mehefin 2009. Mae’n agored i unrhyw un, boed yn aelod o’r Gymdeithas neu beidio.
Pwrpas yr e-weithdy cyfieithu yw cynnig cyfle i chi ymarfer a gwella eich sgiliau cyfieithu yn eich amser eich hun ond gan ddilyn trefn ac amserlen bendant. Cewch gyfle i gyfieithu dau ddarn heriol a gwrthgyferbyniol o ryw 300 gair yr un a chael sylwadau arnynt gan eich tiwtor personol.

Y ffi am yr e-weithdy cyfieithu yw £50. Caiff aelodau’r Gymdeithas ostyngiad o 20% i £40; a chaiff cyfeillion y Gymdeithas ostyngiad o 10% i £45.

Mae gwybodaeth am yr e-weithdy cyfieithu, ynghyd â ffurflen gofrestru, ar gael ar ein gwefan: http://www.cyfieithwyrcymru.org.uk/gweith dai-20.aspx

Y dyddiad cau ar gyfer cofrestru yw 22 Mehefin 2009.

Os hoffech gael rhagor o wybodaeth, cysylltwch â Cymdeithas Cyfieithwyr Cymru - 01248 371839.

Ar ol llwyddiant y cyfarfod cyntaf mae Cangen Merched y Wawr Torfaen wedi ei sefydlu. Fe fydd y grwp yn cwrdd eto Dydd Mercher nesaf i drafod ei rhaglen.

Croeso i unrhyw aelodau newydd!!